 Vegen i Finnsetlia stod ferdig i 1962. Dette er ei forlenging av anleggsvegen som vart laga i samband med "Takrenneprosjektet". Vegen vart bygd som ein del av kompensasjonen for at det ikkje vart kraftstasjon i Eikesdalen.
I Finnsetlia var det berre ein kløvveg før. Vegtraseen følgjer berre delvis den gamle stigen, så gamlevegen er framleis fullt farbar til fots. For eikesdalingane var dette ei svært viktig ferdselsåra.
Frå uminnelege tider til eit stykke inn på 1900-talet var det nemleg eit viktig samkvem mellom eikesdalingar og lesjingar. Mang ei gardkjerring og mangt eit flyttelass har komme denne vegen. Her fòr dei når dei skulle på jakt, på setra, på hestahandel eller frieri.
Stigen vart noko utbetra rundt 1870 då rike engelskmenn var med på reinsjakt i desse fjellområda. I 1885 kom det eit seriøst forslag om at det skulle byggjast rideveg over fjellet til Bjorli, men det vart berre med planane.
Utdrag fra "Til Eikesdalen".
| 
